ڈاکٹر عائشہ غوث پاشا زوجہ ڈاکٹرحفیظ احمد پاشا 3 مارچ 1962 کو لاہور میں پیدا ہوئیں ۔ آپ نے کراچی یونیورسٹی سے بی اے (آنرز)، ایم اے (اکنامکس )اور اکنامکس میں ماسٹرزآف اپلائیڈ سائنس کی ڈگریاں حاصل کیں ۔ آپ نے 1991 میں لیڈز یونیورسٹی برطانیہ سے اکنامکس میں پی ایچ ڈی کی ۔ آپ ماہر معاشیات اور تعلیمی شخصیت ہیں ۔جنہوں نے مختلف قومی اور صوبائی تنظیموں میں پروفیسر ، مینجنگ ڈائریکٹر ، کنسلٹنٹ ، چیئرپرسن ،رکن ، ٹیکنیکل ایڈوائزر اور سینئر فیلو کے طور پر خدمات انجام دی ہیں ۔ آپ حکومت کے کئی محکموں میں بطور ٹیکنیکل ایکسپرٹ منسلک رہی ہیں ۔ آپ پاکستان میں دو اہم تھنک ٹینکس بشمول سوشل پالیسی اور ڈویلپمنٹ سنٹر کراچی اور انسٹی ٹیوٹ آف پبلک پالیسی بی این یو لاہور کی سربراہ رہی ہیں ۔ آپ پاکستان خاتمہ غربت فنڈ کے بورڈ آف ڈائریکٹرز کی رکن رہی ہیں ۔آپ نے اقوام متحدہ ڈیپارٹمنٹ آف اکنامک اینڈ سوشل افیئرز جیسی مختلف بین الاقوامی اور دو طرفہ تنظیموں میں بطور کنسلٹنٹ خدمات سرانجام دیں ۔ آپ قومی اور بین الاقوامی رسالہ جات میں ،رپورٹس /آرٹیکلز75 سے زائد کتب شائع کرواچکی ہیں ۔ آپ 2013 کے عام انتخابات میں خواتین کی مخصوص نشست پر رکن پنجاب اسمبلی منتخب ہوئیں اور وزیر خزانہ کے طور پر فرائض سرانجام دے رہی ہیں ۔آپ کے شوہر سابقہ وفاقی وزیر ہیں جو پاکستان کےممتاز معیشت دان بھی ہیں ۔
| رشتہ | نام | ایوان | عہدہ | مدت |
|---|---|---|---|---|
| خاوند | ڈاکٹرحفیظ احمد پاشا، وفاقی وزیر | حکومت پاکستان |
