محترمہ عالیہ آفتاب دختر آفتاب احمد شیخ 16 نومبر1965 کو لاہور میں پیدا ہوئیں ۔ آپ نے پنجاب یونیورسٹی لاہور سے 1989 میں ایم ایس سی کی ڈگری حاصل کی اور2007 میں امریکن پیسیفک یونیورسٹی ،امریکہ سے پی ایچ ڈی کی ۔ آپ ماہر نفسیات ہیں جو 2013 کے عام انتخابات میں خواتین کی مخصوص نشست پر رکن پنجاب اسمبلی منتخب ہوئیں ۔ آپ 2009 سے سڑیس مینجمنٹ انسٹی ٹیوٹ چلارہی ہیں اور فاؤنٹین ہاؤس میں زیر علاج خصوصی بچوں کے لئے کام کرتی ہیں ۔ یہ آپ کا اعزاز ہے کہ آپ نے 2000میں ’’سٹریس اینگزائٹی اینڈ ڈیپریشن ‘‘ کے عنوان سے ایک کتاب شائع کی ۔ آپ کبھی کبھار اخبارات میں کالم بھی لکھتی ہیں ۔ آپ نے برطانیہ ، تھائی لینڈ ، انڈیا ،سعودی عرب ، متحدہ عرب امارات اور سری لنکا کا دورہ کیا ہے ۔
