محترمہ عظمی ٰ زاہد بخاری زوجہ سمیع اللہ خان 18 اگست 1976 کو فیصل آباد میں پیدا ہوئیں ۔آپ نے 2001 میں پاکستان کالج آف لاء لاہور سے ایل ایل بی کی ڈگری حاصل کی۔ وکالت کے پیشہ سے وابستہ رہتے ہوئے 2002-07اور 2008-13 کے دوران رکن پنجاب اسمبلی اور 2009-11 کے دوران پارلیمانی سیکرٹری برائے ثقافت و امور نوجواناں فرائض سر انجام دیتی رہیں ۔آپ 2013 کے عام انتخابات میں خواتین کی مخصوص نشست پر مسلسل تیسری بار رکن پنجاب اسمبلی منتخب ہوئیں اورچیئرپرسن قائمہ کمیٹی برائے قانون و پارلیمانی امورفرائض سرانجام دے رہی ہیں ۔آپ نے یو کے ،دبئی، قطر،ایران اور ترکی کا سفرکیا ۔ آپ نے 2011میں انڈوپاک ینگ پارلیمنٹرینز وفد میں بطور رکن امریکہ کا دورہ کیا۔سپین میں سوشلسٹ انٹرنیشنل کانفرنس میں شرکت کی اور انڈیا میں ’’SAFMA‘‘ کانفرنس میں شرکت کی۔ آپ کے شوہر 2002-07 میں پنجاب اسمبلی کے رکن رہے۔
