محترمہ ذکیہ شاہنواز خان زوجہ شاہنواز خان 05 مارچ 1964 کو عیسٰی خیل ،میانوالی میں پیدا ہوئیں ۔آپ نے سینٹ ڈینیز سکول مری اور کوئین میری کالج لاہور سے تعلیم حاصل کی ۔1965 میں منعقدہ عام انتخابات کے دوران آپ نے اس وقت کے حکمران کے خلاف پاکستان میں بحالی جمہوریت کے لیے مس فاطمہ جناح کے ساتھ کمپین کی اور بلا آخر اپنے سیاسی کیرئیر کا آغاز کیا ۔آپ نے 1977 ،1985-88 کے دوران بطور رکن صوبائی اسمبلی پنجاب خدمات سرانجام دیں اور 1993-96اور2009-13 کے دوران بطور مشیر وزیر اعلٰی پنجاب فرائض سر انجام دئیے ۔ایک زمیندار ہونے کی حیثیت سے 2013 کے عام انتخابات میں خواتین کی مخصوص چھیاسٹھ نشستوں میں سے ایک پر تیسری بار رکن پنجاب اسمبلی منتخب ہوئیں اور وزیر برائے بہبود آبادی کے علاوہ تحفظ ماحولیات کا اضافی چارج سنبھالے ہوئے ہیں ۔آپ نے مصر ،ترکی ،امریکہ ،فرانس،برطانیہ ،یورپ، مڈل ایسٹ ،افغانستان ،انڈیا اور قطر کا سفر کیا ہے۔آپ کے سسر کرنل (ریٹائرڈ )محمد اسلم خان 1972-77 اور1977 کے دوران رکن پنجاب اسمبلی تھے ۔
| حکومتی ادارے | عہدہ | عرصئہ ملازمت |
|---|---|---|
| صوبائی اسمبلی پنجاب | ایم پی اے | 1985-1988 |
| وزیر اعلی پنجاب | ایڈوائزر | 2009-2013 |
| ملک | دورہ کا مقصد | دورانیہ |
|---|---|---|
| ریاست ہائے متحدہ امریکہ | نجی دورہ | 2010 |
| مصر | کانفرنس میں شرکت | 2009 |
| فرانس | نجی دورہ | 2011 |
| ترکی | یونیسف میٹنگ | 2010 |
| رشتہ | نام | ایوان | عہدہ | مدت |
|---|---|---|---|---|
| سُسر | کرنل (ر) اسلم خان, ایم پی اے | صوبا ئی اسمبلی پنجاب | ||
| بھائی | عبدالرزاق خان, ایم پی اے | صوبا ئی اسمبلی پنجاب | ||
| بھائی | عبدالحفیظ خان, ایم پی اے | صوبا ئی اسمبلی پنجاب | 2008-2013 |
