چودھری محمد حنیف ولد چودھری ولی محمد 09 نومبر 1963 کو چیچہ وطنی ضلع ساہیوال میں پیدا ہوئے ۔آپ نے 1986 میں پنجاب یونیورسٹی لاہور سے گریجوایشن کی۔ آپ ایک زمیندار ہیں جو 2005-10کے دوران یونین کونسل نمبر 89 کے ناظم رہے اور 2013 کے عام انتخابات میں رکن صوبائی اسمبلی پنجاب منتخب ہوئے ۔آپ کے بھائی چودھری محمد ارشد 2002-13 میں مسلسل دو مرتبہ رکن پنجاب اسمبلی رہے اور 2003-07 میں چیئرمین سٹیڈنگ کمیٹی برائے تعلیم رہے اور پی پی۔225 سے موجودہ ایم پی اے ہیں اور بطور معاون خصوصی وزیراعلیٰ برائے لائیوسٹاک اینڈ ڈیری ڈویلپمنٹ فرائض سر انجام دے رہے ہیں ۔ آپ کے ایک اور بھائی چودھری محمد طفیل تحصیل ناظم چیچہ وطنی خدمات سرانجام دے چکے ہیں ۔
