میاں محمد شہباز شریف ولد میاں محمد شریف (مرحوم )ایک معروف کاروباری خاندان سے تعلق رکھتے ہیں ۔ آپ نے گورنمنٹ کالج لاہور سے گریجوایشن کی ۔ عملی سیاست میں آپ کا کیرئیر کئیرر بہت شاندار ہے جو چار دہائیوں پر مشتمل ہے ،آپ کی عوامی خدمت کا کیرئیر 1985 میں بطور صدر لاہور چیمبر آف کامرس اینڈ انڈسٹری سے شروع ہوا۔ آپ نے اپنے بڑے بھائی نواز شریف کی پیروی کرتے ہوئے عملی سیاست میں حصہ لینا شروع کیا ۔ آپ پہلی دفعہ 1988 میں پنجاب اسمبلی کے رکن منتخب ہوئے اسمبلی کی یہ مدت پوری ہونے سے پہلے ہی 1990 میں اسے تحلیل کردیا گیا ۔1990-93کے دوران قومی اسمبلی کے رکن منتخب ہوئے اور پھر 1993 میں پنجاب اسمبلی کے رکن بنے اور 1996 تک اپوزیشن لیڈر رہے ۔1997 میں تیسری مرتبہ پنجاب اسمبلی کے رکن بنے اور وزیر اعلیٰ منتخب ہوئے ۔یہ اسمبلی بھی 1999 میں فوجی مداخلت کے سبب تحلیل کردی گئی ۔پنجاب حکومت پی ایم ایل این کی مرکزی حکومت کے ساتھ ہی ختم کردی گئی ۔ آپ کو قید کرلیا گیا اور بعد میں جبری جلاوطن کردیا گیا ۔ میاں محمد شہباز شریف نے پاکستان میں جمہوریت کی بحالی کےلئے اہم کردار ادا کیا ہے ۔ 2008 میں چوتھی مرتبہ بلا مقابلہ پنجاب اسمبلی کے رکن منتخب ہوئے اور 8 جون 2008 سے 26 مارچ 2013 تک دوسری مرتبہ وزیر اعلیٰ پنجاب خدمات سرانجام دیتے رہے ۔مئی 2013 کے عام انتخابات میں ان کی پارٹی پی ایم ایل این بھاری مینڈیٹ کے ساتھ پھر اقتدار میں آئی ۔آپ صوبائی اسمبلی کی تین نشستوں (پی پی ۔159، پی پی ۔161، پی پی ۔247)اور (این اے ۔129)کی ایک قومی نشست پر کامیاب قرارپائے ۔ تاہم آپ نے پی پی ۔159 کی نشست برقرار رکھی نتیجتاً وہ تیسری مرتبہ ریکارڈ حیثیت میں وزیر اعلیٰ پنجاب منتخب ہوئے ۔ آپ ایک متحرک اور نظریاتی سیاسی لیڈر ہیں جو اپنی مضبوط اور بہترین ایڈمنسٹریشن کی بدولت پہچانے جاتے ہیں ۔آپ اپنے ’’ کرسکتے ہیں ‘‘(Can do) رویہ کی بدولت پوری دنیا میں عزت کی نگاہ سے دیکھے جاتے ہیں ۔آپ کے بھائی میاں محمد نواز شریف پاکستان کے وزیر اعظم رہ چکے ہیں اورآپ کا صاحبزادہ حمزہ شہباز شریف قومی اسمبلی کا موجودہ رکن ہے ۔
| حکومتی ادارے | عہدہ | عرصئہ ملازمت |
|---|---|---|
| صوبائی اسمبلی پنجاب | ایم پی اے | 1988-90 |
| قومی اسمبلی پاکستان | ایم این اے | 1990-93 |
| صوبائی اسمبلی پنجاب | ایم پی اے / قائد حزب اختلاف | 1993-96 |
| صوبائی اسمبلی پنجاب | ایم پی اے / وزیر اعلی | 1997-99 |
| صوبائی اسمبلی پنجاب | ایم پی اے / وزیر اعلی | 2008-13 |
| رشتہ | نام | ایوان | عہدہ | مدت |
|---|---|---|---|---|
| بھائی | میاں محمد نواز شریف، ایم این اے / وزیر اعظم پاکستان | قومی اسمبلی پاکستان | 2013-2017 | |
| بیٹا | حمزہ شھباز شریف، ایم این اے | قومی اسمبلی پاکستان | 2013-till date |
