پریس ریلیز تفصیل

جناب سپیکر کی پریس ریلیز بتاریخ 09-11-2017

صوبائی اسمبلی پنجاب

PAP/PRO/SPEAKER/17/46ّّّ

لاہور۔(پریس ریلیز) 09نومبر2017

    پاکستان میں تعلیمی انقلاب مسلم لیگ (ن) کی حکومت کا مشن ہے ۔حکومت دن رات اس مشن کی تکمیل کے لیے کوشاں ہے۔ مفکرپاکستان علامہ ڈاکٹر محمد اقبال  کی سوچ اور فکر کو پروان چڑھانے کی ضرورت ہے ۔ ایک آزاد اور خود مختار ریاست کا تصور پیش کرنا ان کا قوم پہ احسان ہے۔ سی پیک پاکستان اور دیگر ایشائی ممالک کے لیے اللہ تعالیٰ کی عظیم نعمت ہے۔وزیر اعلیٰ پنجاب نے ملک کی تاریخ میں پہلی بار پوزیشن ہولڈر طلبہ کو دنیا بھر کے دورے کروائے، انہیں لاکھوں لیپ ٹاپ اور اربوں روپے مالیت کے وظائف دیے۔سپیکر پنجاب اسمبلی رانا محمد اقبال خاں کا سپیرئیر یونیورسٹی میں خطاب

         سپیکر پنجاب اسمبلی رانا محمد اقبال خاں نے کہا ہے کہ پاکستان میں تعلیمی انقلاب مسلم لیگ (ن) کی حکومت کا مشن ہے ۔حکومت دن رات اس مشن کی تکمیل کے لیے کوشاں ہے۔ مفکرپاکستان علامہ ڈاکٹر محمد اقبال  کی سوچ اور فکر کو پروان چڑھانے کی ضرورت ہے ۔ ایک آزاد اور خود مختار ریاست کا تصور پیش کرنا ان کا قوم پہ احسان ہے۔ سی پیک پاکستان اور دیگر ایشائی ممالک کے لیے اللہ تعالیٰ کی عظیم نعمت ہے۔وزیر اعلیٰ پنجاب نے ملک کی تاریخ میں پہلی بار پوزیشن ہولڈر طلبہ کو دنیا بھر کے دورے کروائے، انہیں لاکھوں لیپ ٹاپ اور اربوں روپے مالیت کے وظائف دیے۔ ان خیالات کا اظہار انہوں نے سپیریر یونیورسٹی میں "کاروباری سوچ ۔۔۔۔چیلنجز اور مواقع" کے عنوان سے کانفرنس سے خطاب کرتے ہوئے کیا۔انہوں نے مزید کہا کہ ٹیکنیکل ایجوکیشن آج کے دور کی اہم ضرورت ہے۔ہمارے نوجوانوں کو ٹیکنیکل ہینڈ ہونا چاہیے۔انہوں نے کہا کہ پسماندگی ، غربت اور ناخواندگی کے خاتمہ کے لئے معاشرے کے ہر فرد کو کوشش کرنی چاہیے ۔ رانامحمد اقبال خاں نے کہا کہ تعلیم حاصل کرکے کاروبار زیادہ اچھے طریقے سے کیا جا سکتاہے۔کاروبارکے لیے سرمائے کے ساتھ ساتھ دلچسپی ، دیانتداری اور تجربے کی اہمیت سے بھی انکار نہیں کیا جا سکتا۔تجربے کی بنیاد پر کیا جانے والا کاروبار کبھی ناکام نہیں ہوتا۔ نیک نیتی اور خلوص کے جذبات کے تحت کام کرنا عبادت ہے۔ انہوں نے کہا کہ آج کی کانفرنس میں طلباء کے پیش کردہ108 آئیڈیاز واقعی تخلیقی اور جدیدہیں۔انہوں نے امید ظاہر کی کہ کانفرنس کے تحقیقی مقالے اور خیالات موجود مسائل کا حل فراہم کریں گے۔ انہوں نے کہا کہ آئیے عہد کریں کہ ہم اتفاق و اتحاد سے ملک سے دہشت گردی ، بے روزگاری اور غربت کے خاتمہ کے لیے جہدو جہد جاری رکھیں گے۔ دعا ہے کہ اللہ تعالیٰ ہمارے ملک کی حفاظت فرمائے اور اسے دن دگنی اور رات چوگنی ترقی عطا فرمائے۔آمین! آخر میں ہونہار طلبہ اور بہترین کارکردگی والے اساتذہ میں انعامات تقسیم کئے گئے۔

(عبد القہار راشد)

افسر تعلقات عامہ

042-99200310 04299204750,

0300-4284607