نشست:16 اکتوبر 2018ء

کاروائی کا خلاصہ

کارروائی کا خلاصہ

منگل  ،16،اکتوبر 2018

اجلاس کا آغازشام 4:22 بجے

تلاوت قرآن پاک  اور اس کے اردو ترجمہ  کے بعد نعت  رسول مقبول  ﷺسے ہوا

زیر صدارت :                چودھری پرویز الہٰی ، سپیکر

چیئرمینوں کا پینل

            قواعد انضباط کار  صوبائی اسمبلی پنجاب  1997 کے قاعدہ13(1)کے تحت جناب محمد خان بھٹی  ، سیکرٹری  اسمبلی نے  درج ذیل ترتیب  سے چیئرمینوں کے پینل کا  اعلان کیا ۔

                                    1۔        جناب محمد عبداللہ وڑائچ (پی پی ۔29)

                                    2۔        میاں شفیع محمد (پی پی ۔258)

                                    3۔        جناب محمد رضا حسین  بخاری (پی پی  ۔274)

                                    4۔        محترمہ ذکیہ خان(ڈبلیو ۔331)

حلف

جناب احمد خان (میانوالی ۔3)(پی پی ۔87)سےمنتخب رکن نے حلف اٹھایا  اور حلف رجسٹر  پر دستخط  کیے ۔ جناب سپیکر نے حلف  لیا ۔

 قاعدہ 8جسے قاعدہ  223 کے ساتھ ملا کر پڑھا جائے  کے تحت  اراکین کی بیٹھک نشست  قواعد  انضباط کار  صوبائی اسمبلی پنجاب 1997 کے قاعدہ  223(ای )کے تابع  اراکین کی جانب سے تعمیل

جناب محمد خان بھٹی ، سیکرٹری اسمبلی  نے قواعد انضباط کار  صوبائی اسمبلی پنجاب  1997 کے قاعدہ  8 کے تحت  سپیکر  کی جانب سے تعین کردہ  اراکین  کی بیٹھک  نشست  کا اعلان کیا ، جنہیں  ایوان  کے باہر بھی  آویزاں  کیا گیا تھا ۔ آپ نے ایوان کو  مزید آگاہ کیا  کہ قاعدہ  223(ای )کے تحت اراکین  اسمبلی  خطاب کرنے کےلئے  اپنی معمول  کی الاٹ کردہ  نشست  پر رہیں گے ۔ مزیدبرآں  ،اراکین  حوالہ عین  ماقبل  قواعد کے قاعدہ  223 میں  بیان  کردہ  قواعد کی  پابندی کرتے ہوئے  اسمبلی  کے اجلاس  میں کسی کتاب ، اخبار  وغیرہ  سے نہیں پڑھیں گے  اور نہ موبائل  فون استعمال  کریں گے  اور نہ ہی مداخلت  کریں گے  اور دیگر اراکین  کی تقریر  کے دوران خاموش رہیں گے ۔

سرکاری کارروائی

سالانہ بجٹ گوشوارہ  برائے مالی 2018-2019

ٕمخدوم  ہاشم جواں بخت ، وزیر خزانہ نے  اپنی  بجٹ تقریر کی اور سالانہ بجٹ گوشوارہ  برائے مالی سال 2018-2019 مکمل  خسارہ  تقریباً 2026.51 بلین روپے  پیش کیا ۔

مسو دہ قانون مالیات  پنجاب 2018

وزیر خزانہ نے مسودہ قانون  مالیات  پنجاب 2018 ایوان میں  پیش کیا ۔ وزیر خزانہ  کی تقریر کے دوران  ،حزب اختلاف  کےاراکین  نے شورو غوغا  کیا ۔ انہوں نے  جناب سپیکر  اور حکومت  کے خلاف نعرے لگائے ۔ انہوں نے  حکومت کے خلاف  ناشائستہ  جملے کسے ۔ انہوں نے بجٹ  تقریر کی کاپیاں  پھاڑدیں  اور فرنیچر  توڑنا  شروع  کردیا  اور ایوان  کی میز کو اوندھا اور ایوان میں   نصب کردہ  سامان  بشمول مائیکرو فون  اور ریکارڈنگ  مشینوں  کو توڑا ۔ ایوان  کے اسمبلی سٹاف /افسران  بھی حزب اختلاف  اراکین  کی زد میں آئے ۔ ایوان کو باترتیب  لانے کے لئے  جناب سپیکر  کی مسلسل ہدایات  کے باوجود ، حزب اختلاف  کے اراکین  نے کان نہ دھرا  اور نہ کوئی توجہ دی ۔ حزب اختلاف  کی شرانگیزی  اور ہنگامے  اورایوان  میں موجود  اسمبلی اراکین  نے مطالبہ   کیا کہ ایوان  میں وقوع ہونے والے  اس خلاف معمول  اور تکلیف دہ  واقعہ  کے خلاف فوری اقدام  اٹھایا جائے ۔ جناب سپیکر  نے قواعد انضباط کار  صوبائی اسمبلی پنجاب  1997 کے قاعدہ  210 کے قاعدہ  کے تحت  چھ اراکین  اسمبلی پر حالیہ  اجلاس  کے ملتوی  ہونے تک اسمبلی  کے اجلاسوں  میں شرکت  پر پابندی  عائد کی ۔

                1۔           جناب محمد اشرف رسول ، ایم پی اے (پی پی ۔137)

                2۔           ملک  محمد وحید ، ایم پی اے (پی پی ۔156)

                3۔           جناب محمد  یاسین عامر ، ایم پی اے (پی پی ۔162)

                4۔           جناب محمد  مرزا جاوید ، ایم پی اے (پی پی ۔172)

                5۔           محترمہ زیب النساء، ایم پی اے (ڈبلیو ۔360)

                6۔           جناب  طارق  مسیح گل ، ایم پی اے (این ایم ۔371)

ایوان  شام 5:16 بجے  جمعتہ المبارک  19اکتوبر 2018صبح 9 بجے تک ملتوی کردیا گیا ۔سالانہ بجٹ برائے سال 2018-19 پر عام بحث کا آغاز کیا جائےگا ۔

منظور شدہ قراردادیں

بحث کی نقل لفظ بہ لفظ