نشست:17  ستمبر 2019ء

.1

محترمہ شاہدہ احمد :

اس ایوان کی رائے ہے کہ 65 سال اور زائد عمر کے  بزرگ شہریوں(Senior Citizens)کو تمام سرکاری ٹرانسپورٹ (ٹرین، بسیں، میٹرو بس، سپیڈو بس) میں کرایہ سے مستثنیٰ قرار دیا جائے۔

.2

جناب منیب الحق :

یہ ایوان وفاقی حکومت سے سفارش کرتا ہے کہ کھادوں کی قیمت میں حالیہ اضافہ فی الفور واپس لیا جائے۔

.3

جناب محمد منیب سلطان چیمہ:

اس ایوان کی رائے ہے کہ صوبہ کے اکثر  تعلیمی اداروں نے عوام کو لُوٹنے کا سلسلہ شروع کر رکھا ہے۔ ہر سکول یونیفارم، کاپیوں اور کتابوں کو از خود مہنگے داموں فروخت کرتا ہے اور تمام نجی تعلیمی ادارے ایسا یونیفارم، کاپیاں اور کتابیں تیار کرواتے ہیں جو مارکیٹ میں دستیاب نہ ہو اور مجبوراً  طلباء کو سکول سے یہ اشیاء مہنگے داموں خریدنی پڑتی ہیں۔ لہذا یہ ایوان حکومت سے مطالبہ کرتا ہے کہ صوبہ کے تمام نجی تعلیمی اداروں کو پابند کیا جائے کہ وہ ایسے یونیفارم، کاپیوں اور کتابوں کا انتخاب کریں جو تمام تعلیمی اداروں میں یکساں ہوں اور باآسانی مارکیٹ میں دستیاب ہوں تاکہ بچوں کے والدین پر فیسوں کے بھاری بوجھ کے علاوہ مہنگا یونیفارم، کاپیوں اور کتابوں کو خریدنے کا بوجھ کم ہو سکے۔

.1

محترمہ مسرت جمشید:

صوبائی اسمبلی پنجاب کا ایوان وفاقی حکومت سے مطالبہ کرتا ہے کہ نوزائیدہ بچوں میں پائی جانے والی مہلک اور جان لیوا بیماری Methylmalonic Academia (MMA) کا واحد علاج اور لائیو سیونگ میڈیکیٹڈ دودھ یا خوراک (XMTVI Maxamaid) بغیر کسی ٹیکس و ڈیوٹی اور پیکنگ پر بغیر اردو تحریر درآمد کرنے کی اجازت دی جائے۔

[.2

محترمہ حناء پرویز بٹ:

یہ ایوان حکومت سے مطالبہ کرتا ہے کہ حکومت اس حوالے سے قانون سازی کرے کہ تمام سرکاری و نجی ہسپتالوں میں وفات پائے جانے والے مریض کے لواحقین سے بقایاجات کی رقم وصول نہ کی جائے اور ان کو فی الفور میت لے جانے کی اجازت دی جائے بلکہ ہسپتال انتظامیہ فری ایمبولینس کا انتظام کرے تاکہ میت کو گھر بروقت پہنچایا جا سکے۔

.3

جناب محمد صفدر شاکر:

اس ایوان کی رائے ہے کہ جن شوگر ملوں نے ابھی تک زمینداروں کو گنے کی سپلائی کی ادائیگی نہیں کی، انہیں فوری ادائیگی کا پابند کیا جائے۔

.4

محترمہ ربیعہ نصرت:

اس ایوان کی رائے ہے کہ واٹر پلانٹس کی صفائی کا مستقل انتظام کیا جائے تاکہ آلودہ پانی پینے کی وجہ سے لوگوں کو موذی امراض سے بچایا جا سکے اور اربوں کی لاگت سے لگائے گئے واٹر پلانٹس کو محفوظ بنایا جا سکے۔

.5

محترمہ سعدیہ سہیل رانا:

صوبہ پنجاب کے تمام سکولز میں مارننگ اسمبلی کا اہتمام کیا جاتا تھا جو سیکورٹی صورت حال کے پیش نظر بند کر دیا گیا تھا، اب پاکستان کے سیکورٹی اداروں کی انتھک محنت سے الحمداللہ پاکستان پُرامن ملک ہے اور دہشت گردی پر مکمل طور پر قابو پایا جا چکا ہے۔ لہذا اس ایوان کی رائے ہے کہ صوبہ پنجاب کے تمام سرکاری و پرائیویٹ سکولز میں مارننگ اسمبلی کے سلسلہ کو فی الفور بحال کیا جائے اور اس میں قومی ترانہ پڑھنا لازمی قرار دیا جائے تاکہ طلباء و طالبات کے دلوں میں قومی یکجہتی اور وطن سے محبت کے جذبات کو فروغ دیا جا سکے۔

لاہور

عنایت اللہ لک

مورخہ: 12 ستمبر 2019

قائم مقام سیکرٹری