Meeting of Delegation of Women Parliamentarians of Sindh Assembly with Muhammad Khan Bhatti, Secretary Punjab Assembly
صوبائی اسمبلی پنجاب
PAP/PRO/SPEAKER/19/2
لاہور۔(پریس ریلیز)03جنوری 2019
سیکرٹری پنجاب اسمبلی محمد خاں بھٹی سے سندھ اسمبلی کی خواتین پارلیمنٹیرین کے وفد نے پنجاب اسمبلی میں ملاقات کی ۔سندھ اسمبلی کی خواتین پارلیمنٹیرینز کا وفد عورت فاؤنڈیشن کی دعوت پر خواتین کے حقوق اور ان کو بااختیار بنانے کے حوالے سے پروگرام میں شرکت کے لیے تین روزہ دورے پر لاہور آیا ہوا ہے۔ وفد میں خواتین اراکین سندھ اسمبلی رانا انصر، نصرت سحر عباسی، شمیم اختر ، سدرہ عمران اوررکن پنجاب اسمبلی سیمابیہ طاہر جبکہ عورت فاؤنڈیشن کی انجم رفیق، شمائلہ تنویر، عاصم ملک، ممتاز مغل اور سائرہ شیرازشامل تھیں۔اس موقع پر گفتگو کرتے ہوئے محمد خاں بھٹی نے کہا کہ یہ بات خوش آئیند ہے کہ خواتین اراکین اسمبلی قانون سازی میں بھر پور کردار ادا کرتی ہیں۔ سیکرٹری نے کہا کہ قومی تعمیر و ترقی میں خواتین کی خدمات لائق تحسین ہیں۔انہوں نے امید ظاہر کی کہ خواتین ممبران عوامی خدمت کے جذبہ سے ملک کی خدمت جاری رکھیں گی۔ محمد خاں بھٹی نے خواتین پارلیمنٹیرینز کو پنجاب اسمبلی کی کارکردگی اورقواعدو انضباط کار پنجاب اسمبلی سے بھی آگاہ کیا۔وفد کے شرکاء نے مہمان نوازی پر سیکرٹری اسمبلی کا شکریہ ادا کیا۔ آخر میں وفد نے پنجاب اسمبلی کا ایوان اور لائبریری دیکھے۔اس موقع پر ڈی جی پارلیمانی امور پنجاب اسمبلی عنایت اللہ لک بھی موجود تھے۔
)عبد القہار راشد(
افسر تعلقات عامہ
فون نمبر: 042-99200310 فیکس نمبر:042-99204750
0300-4284607