ڈپٹی سپیکر پنجاب اسمبلی رانا مشہود احمد خاں کی 03نومبر2007 کے غیر آئینی اقدامات کے خلاف سپریم کورٹ آف پاکستان کے فیصلہ کو سراہتے ہوئے پوری پاکس
صوبائی اسمبلی پنجاب
لاہور۔(پریس ریلیز) یکم اگست 2009
ڈپٹی سپیکر پنجاب اسمبلی رانا مشہود احمد خاں نے03نومبر2007 کے غیر آئینی اقدامات کے خلاف سپریم کورٹ آف پاکستان کے فیصلہ کو سراہتے ہوئے پوری پاکستانی قوم کو مبارکباد دی ہے اور کہا ہے کہ یہ فیصلہ جمہوریت اورآئین کی فتح ہے۔اس سے عدلیہ کا وقار بلند ہو گا اورجمہوریت مضبوط اور مستحکم ہو گی۔ وہ گزشتہ روز واشنگٹن میں اعلیٰ امریکی عہدیداروں سے گفتگو کر رہے تھے انہوں نے کہا کہ یہ فیصلہ دراصل اداروں کی مضبوطی کے لیے جدوجہد کرنے والی جمہوری قوتوں کی شب و روز محنت کا صلہ ہے ۔ اس کے دور رس اثرات مرتب ہونگے ۔رانا مشہود احمد خاں نے اسے جمہوری اصولوں کی کامیابی قرار دیا ۔ واضح رہے کہ ڈپٹی سپیکر پنجاب اسمبلی آجکل امریکہ کے نجی دورے پر گئے ہوئے ہیں۔
عبد القہار راشد
افسر تعلقات عامہ
فون نمبر: 042-9200310 فیکس نمبر:042-9204750
موبائل نمبر:0300-4284607