فہرست کاروائی
فی الحال دستیاب نہیںکاروائی کا خلاصہ
کارروائی کا خلاصہ
جمعرات 17 مئی 2018
اجلاس کا آغازدوپہر 1:55 بجے
تلاوت قرآن پاک اور اس کے اردو ترجمہ کے بعد نعت رسول مقبول سے ہوا
زیر صدارت : رانا محمد اقبال خان ، سپیکر
گوشوارہ ضمنی بجٹ برائے سال 2017-2018
ضمنی بجٹ برائے سال 2017-2018 پر عام بحث
میاں محمود الرشید ، قائد حزب اختلاف نے ضمنی بجٹ برائے سال 2017-2018 پر عام بحث کا آغاز کیا ۔ چودھری محمد اقبال ، جناب محمد شعیب صدیقی ، جناب محمد رفیق ، ملک عمر فاروق ، جناب محمد عارف عباسی ، جناب محمد ارشد ملک ، جناب آصف محمود اور محترمہ سعدیہ سہیل رانا نے بحث میں حصہ لیا ۔ڈاکٹر عائشہ غوث پاشا، وزیر خزانہ نے اپنی اختتامی تقریر میں حکومت پنجاب کی پانچ سالہ مثالی کارکردگی کو سراہا اور حکومتی مشینری اور اسمبلی سیکریٹریٹ کی معاونت کا شکریہ ادا کیا ۔
حزب اقتدار نے چالیس مطالبات زر پیش کیے اور حزب اختلاف نے محکمہ پولیس اور تعلیم کو تفویض کردہ بجٹ کے خلاف کٹوتی کی دوتحاریک پیش کیں ۔ ڈاکٹر عائشہ غوث پاشا، وزیر خزانہ نے محکمہ پولیس کے لئے مالی سال 2017-18 کے لئے مطالبہ زر ایوان میں بحث کےلئے پیش کیا ۔ ایوان نے محکمہ پولیس اور تعلیم سے متعلقہ مطالبات زر کو اپوزیشن کی جانب سے پیش کی جانے والی کٹوتی کی تحاریک پر تفصیلی بحث کے بعد منظور کیا جن کو اکثریتی ووٹ کے ذریعے مسترد کردیا گیا ۔
مالی سال برائے 2017-2018 کےلئے منظور شدہ اخراجات کا ضمنی شیڈول ایوان میں پیش کرنا
ڈاکٹر عائشہ غوث پاشا ، وزیر خزانہ نے مالی سال 2017-18 کےلئے منظور شدہ اخراجات کےلئے ضمنی شیڈول ایوان میں پیش کیا ۔
قواعد کی معطلی
رانا ثناء اللہ خان ، وزیر قانون وپارلیمانی امور کی جانب سے پیش کی گئی تحریک پر قواعد انضباط کار صوبائی اسمبلی پنجاب بابت 1997 کے قاعدہ 234 کے تحت ایوان قاعدہ 115 اور قاعدہ 137 اور دیگر متعلقہ قواعد کو معطل کرتے ہوئے ،درج ذیل قراردادپیش کرنے کی اجازت دی ۔
قرارداد
مورخہ 16 مئی 2018 کو بلوچستان کوئٹہ میں دوران آپریشن دہشت گردانہ حملے میں جس میں دودہشت گرد مارے گئے ، ملٹری انٹیلی جنس کے کرنل سہیل عابد اور ہیڈ کانسٹیبل ثناء اللہ کی شہادت پر خراج تحسین پیش کرنے کےلئے رانا ثناء اللہ خان وزیر قانون وپارلیمانی امور ،نے قرارداد پیش کی ۔ اس قرارداد کے ذریعے ، ان کے درجات کی بلندی کےلئے دعا کی اور ان کے اہل خانہ سے اظہار افسوس کیا اور اس حملے میں زخمی ہونے والے تین جوانوں کی جلد صحت یابی کی دعا کی ۔ قرارداد ہذ ا جس میں اعادہ کیا گیا کہ ایسی دہشت گردی کے واقعات میں ملوث افراد اور ان کے خلاف بھی جو ایسے واقعات میں سہولت کاری کرتے ہیں کے خلاف فورسز کو کامیابی حاصل کرنی چاہیے اور انہیں انصاف کے کٹہرے میں لانا چاہیے ، ایوان نے منظور کی ۔
رانا ثناء اللہ خان ، وزیر قانون وپارلیمانی امور نے دوسری قرارداد میں اطمینان کا اظہار کیا کہ پاکستان میں اسمبلیاں اپنی آئینی مدت پوری کررہی ہیں اور وزیر اعلیٰ پنجاب ، میاں شہباز شریف کی دیانتداری ،محنت اور مخلص قیادت کی وجہ سے حکومت پنجاب کی پانچ سالہ کارکردگی دوسرے صوبوں کے مقابلے میں بہت بہتر رہی ہے ۔انہوں نے کہا کہ پنجاب اسمبلی نے پاکستان کی تمام اسمبلیوں سے زیادہ 191 ریکارڈ قوانین منظور کیے ۔ قرارداد کے میں مزید کہا گیا کہ پنجاب اسمبلی کی شاندار کارکردگی کا سہرا قانون ایوان ان کی کابینہ کے ساتھ ساتھ اسمبلی کے سپیکر ا ور ڈپٹی سپیکر ،قائد حزب اختلاف اور تمام اراکین اسمبلی کو جاتا ہے ۔انہوں نے نواز شریف اور میاں شہباز شریف کی قیادت پر اعتماد کا اظہار کیا اور اس امر کا اعادہ کیا کہ پاکستان مسلم لیگ (ن)عوامی خدمت کا ایجنڈ ا جاری رکھے گی ۔ قرارداد ہذا محبوب قائد میاں نواز شریف کے حالیہ بیان کو اپنے معانی پہنانے والی اس لابی جو ان کی شہرت سے خوفزدہ ہے کی مذمت اور اسے مسترد کرتی ہے اور محب وطن ، ایٹمی پاکستان کے خالق ، معاشی طور پر مضبوط پاکستان اور سی پیک منصوبے کے معمار کو خراج تحسین پیش کیا گیا ۔قرارداد ہذا جس نے اس امر پر زور دیا کہ 2018 میں شفاف اور منصفانہ انتخابات ہونے چاہیں اور الیکشن کمیشن پاکستان اور متعلقہ اداروں سے مطالبہ کیا گیا کہ وہ اپنا بھرپور کردار ادا کریں تاکہ پاکستان ایک جمہوری ملک کے طور پر آگے بڑھے ، ایوان نے منظور کی ۔
فاتحہ :۔
ایوان نے راجن پور سے سابق ایم پی اے سردار محمد امان اللہ دریشک کی وفات پر فاتحہ خوانی کی ۔آخر میں چیئر نے اجلاس غیر معینہ مدت کےلئے ملتوی کردیا ۔